प्रधानन्यायाधीशमा सिफारिस मनोजकुमार शर्माविरुद्ध ७ वटा उजुरी

काठमाण्डौ : प्रधानन्यायाधीशमा सिफारिस भएका मनोज कुमार शर्माविरुद्ध संसदीय समितिमा सातवटा उजुरी परेका छन् । संसदीय सुनुवाइ समितिले गएको वैशाख २५ गते शर्माविरुद्ध उजुरी आह्वान गरेको थियो । आजसम्म उजुरी दिन सकिने समितिले जनाएको छ ।

शर्माविरुद्ध परेका उजुरीमाथि भोलिदेखि अध्ययन शुरु गर्ने समितिको तयारी छ । गएको वैशाख २४ गते संवैधानिक परिषद्को बैठकले सर्वोच्च अदालतका न्यायाधीश शर्मालाई प्रधानन्यायाधीशमा नियुक्त गर्न सिफारिस गरेको थियो ।

संसदीय सुनुवाइ समितिले अनुमोदन गरेपछि राष्ट्रपतिले नियुक्त गर्ने कानुनी व्यवस्था छ ।